حــقـــكـ عـــلــــي

دام الهدف معروف والقصد سامي
مايحتمـل منّـك عنـادٍ ومـنّـه

تقفي علوم الليل مثـل الحلامـي
اقفاي خيل الى عطوهـا الاعنّـه

حقك علي وانا انسحب من كلامي
لو كان ترسل لي رسالـه ورنّـه

باكبّر اوساده ال راسـي وانامـي
لا تعتمـد حكـيٍ تراجعـت عنّـه

وردت صوب الما وصدّرت ضامي
طرد السراب افضل ولا الشرب منّه

ماصاب مثناة الهدف كـل رامـي
ولا كل راعي فـن نطـرب لفنّـه

لو يذكر اسمك قلت عاشت لاسامي
ماكـن راعيّـه مـن اول مظنّـه

قد خذت مع بيض الغنادير زامـي
يامـا ويامـا خافقـي لوعـنّـه

ياما رعينا القفر عقب الوسامـي
وحب الشرف يبقى للجـواد سنـه

هذا الهوى معروف شرقٍ وشامي
فالبعـد نـار وفالمواصيـل جنّـه